„უეფა"-მ Biletebi.ge-ს პრობლემის აღმოსაფხვრელად 48 საათიანი ვადა მისცა. ამის შესახებ ჟურნალისტებს საქართველოს ფეხბურთის ფედერაციის პრეზიდენტმა ზვიად სიჭინავამ განუცხადა.

აღნიშნული გადაწყვეტილებიდან გამომდინარე, მომდევნო 48 საათის განმავლობაში ბილეთები არ გაიყიდება და 25 ივნისს, თბილისის დროით 17:30 საათზე, GFF „უეფა"-სთან მორიგ კონსულტაციას გამართავს, რომლის დროსაც შეაფასებენ, რამდენად აღმოფხვრის Biletebi.ge პრობლემებს.

ფედერაციის პრეზიდენტის თქმით, თუ ქართული ინტერნეტ-მაღაზია პრობლემას ვერ მოაგვარებს, „უეფა" გეგმა B-ზე გადავა, თუმცა სიჭინავა ჯერჯერობით არ განმარტავს, რას ითვალისწინებს გეგმა B.