„ვზივარ და ვფიქრობ, რომ ქართულ ფეხბურთს მომავალი არ აქვს", - განაცხადა  საქართველოს ფეხბურთის ნაკრების ყოფილმა მწვრთნელმა თემურ ქეცბაიამ გადაცემაში „რეაქცია."

„საქართველოში ფეხბურთი აღარ არის. ერთი წელი კიდევ მქონდა დარჩენილი კონტრაქტით, მაგრამ ვუყურებდი, რა მდგომარეობაში იყო ქართლი კლუბები, 16-დან 14 კლუბი დახმარებას ითხოვდა და ასეთ შემთხვევაში რთულია რამე გააკეთო... ჩვენ ყოველთვის გვინდა ერთ კაცს, ან მხოლოდ ფეხბურთის ფედერაციას, ან მთავრობას გადავაბრალოთ ყველაფერი... ეს მთელი ქვეყნის პასუხისმგბელობაა... გეგმა ერთი წლით არ უნდა დასახო, ეს უნდა იყოს გრძელვადიანი, 20-წლიანი გეგმა და როდესაც ჭადრაკს აძლევს 35 მლნ-ს და ფეხბურთს 7 მლნ-ს სირცხვილია, არადა საქართველო საფეხბურთო ქვეყანაა. მხოლოდ ფეხბურთში არ არის ძმაკაცობა, დედმამიშვილობა ეს საქართველოში ყველა სფეროში ხდება, თვითონ ერია უპასხუსისმგებლო, ყველას უნდა ქვეყნის გამოყენება.

მარტო ფეხბურთის ფედერაცია ვერაფერს გახდება თუ ფედერაციას არ ექნება მხარდაჭერა, ამით არაფერი გამოვა, მას სჭირდება დაფინანსება... დღევანდელი ფეხბურთი არის ბიზნესი, ფული გაქვს არის ფეხბურთი, აბა სხვა რა გგონიათ? მოედანზე უჭმელი და უსმელი ბავშვები დარბიან, პატრიოტიზმი აღარ არის"... - განაცხადა ქეცბაიამ.

(მოამზადა თეონა რამაზაშვილმა)