ქორწინება ორ ადამიანს შორის, რომლებსაც ერთი და იგივე სქესი აქვს, პირველად ნიდერლანდში, 2001 წელს დაკანონდა. წყვილებს დაქორწინების იურიდიული შესაძლებლობა მიეცათ. მას შემდეგ, ერთსქესიანთა ქორწინება თოთხმეტმა სხვა ქვეყანამ დააკანონა. ახლახან ქორწინების ეს ფორმა ნებადართულად გამოცხადდა ამერიკის ყველა შტატშიც. საქართველოში სექსუალური უმცირესობების გამოსვლები ყოველთვის დიდი ხმაურის ფონზე ხდება. საზოგადოებაში გაჩნდა აზრი (შეიძლება ითქვას, შიშიც), რომ შესაძლოა, იმავე კანონზე მუშაობა საქართველოს პარლამენტშიც დაიწყონ.

გივი ბერიკაშვილი, მსახიობი:

- შემირცხვენია ის პარლამენტარი, რომელიც საქართველოში ამ კანონის მიღებას მხარს დაუჭერს. მე სხვანაირად ვარ გაზრდილი და კაცებს შორის ურთიერთობის ეგ ფორმა მიუღებელია. მაგას უბედურებას ვეძახი. ეს უბედურება მალულად ყოველთვის იყო. - კაცი კაცთან? - ყველა გაოცებული ამბობდა. იმათ, ვისაც მამაკაცური ფუნქციები დაკარგული ჰქონდათ, ავადმყოფს ეძახდნენ და მკურნალობდნენ. ახლა რა ხდება, ხომ ხედავთ? უიმე!!! ამ თემაზე ლაპარაკიც კი მძაგს.

- დღევანდელისგან განსხვავებით, მაშინ საკუთარ სექსუალურ ორიენტაციაზე ღიად არავინ ლაპარაკობდა.

- ჩემს ახალგაზრდობაში ვინ იყო გეი და ვინ - არა, ვიცოდით. თბილისში სულ 4 ეგეთი კაცი დადიოდა, მაგრამ თავიანთი მდგომარეობის შესახებ კი არ გაჰყვიროდნენ, თავისთვის ჩუმად იყვნენ, აქციებს არ აწყობდნენ. დღეს რა ხდება, რა ამბავში არიან? მე ჩემს შვილებს მივხედავ და ჩემს ახლობლებს. საზოგადოებამ ხმა უნდა ამოიღოს. ამ უმსგავსობის დაკანონება საქართველოში როგორ შეიძლება, მოხდეს? კაცი კაცი უნდა იყოს და ქალი - ქალი, სხვა ყველაფერი არანორმალურია.

- სექსუალური უმცირესობის წარმომადგენლები საზოგადოების დიდი ნაწილში აგრესიას იწვევენ, ამ ადამიანების მიმართ თქვენ როგორი განცდა გაქვთ?

- მეცოდებიან, შვილო, მეცოდებიან, სხვა რა განცდა შეიძლება მქონდეს? ვაჟა-ფშაველას გამზირზე შევნიშნე რამდენჯერმე „იუბკიანები", რომ ვხედავ ხოლმე, სიცილით ვკვდები. შეიძლება, მე გიჟი ვარ და ბევრი რამ არ მესმის.

- ქართველ კანონმდებლებს რას ეტყვით, ამ საკითხის განხილვა საერთოდ უნდა მოხდეს თუ  არა?

- მაგათ ურჩევნიათ, მიიღონ კანონი და დადგინონ, რომ ქალი ქალი უნდა იყოს და კაცი - კაცი. წლების წინ რას წარმოვიდგენდი, ქართველ კაცებს შორის ამ თემაზე ლაპარაკი საერთოდ თუ ჩამოვარდებოდა? თანამედროვეობაში ბევრი რამ მაოცებს. ჩემს ახალგაზრდობაში კალათბურთის ცნობილი ტრენერი იყო, ქორქია, კაცი კაცთან როგორ „იმასშვებოდა", მაგას ეგ ვიდეო მოსკოვში აჩვენეს. ნანახს ისე უმოქმედია, ადამიანი ცუდად გამხდარა. არაა ეგ საჩვენო საქმე და აჯობებს, შევეშვათ.

წყარო: gzapress.ge, თამუნა კვინიკაძე