მსახიობ გივი ბერიკაშვილის განცხადებით რუსეთთან მტრული დამოკიდებულება და ძალმომრეობაზე საუბარი კარგი შედეგის მომტანი არ არის. ბერიკაშვილი მიიჩნევს, რომ საქართველოს ხელისუფლებამ რუსეთის ფედერაციასთან კეთილმეზობლური ურთიერთობები უნდა აწარმოოს.
ამის შესახებ მსახიობი „კვირის პალიტრასთან" საუბრობს:
„ქართული ანდაზაა: "დათვი რომ მოგერიოს, ბაბაია დაუძახეო". ვის ეჭიდავები, კაცო, თეთრ დათვს? ყველანაირად უნდა ვეცადოთ, რომ შემრიგებლური პოლიტიკა გავატაროთ. მეზობლურად უნდა ესაუბრო, - როგორ ხარ, ჩემო ბატონო, მობრძანდი, შენი ჭირიმე, მეზობლები ვართ და ასე შემდეგ...
- კიდევ რომ წაიღონ ტერიტორიები, მაინც ეგრე უნდა გავაგრძელოთ?
- რა გინდა, შენი ჭირიმე?! გითხარი, დათვი, რომ მოგერევა, "ბაბაია" უნდა დაუძახო, ჭიდაობა კი არ უნდა დაუწყო-მეთქი... დღემდე ასე მოვედით ქართველები, თორემ ამდენი ერი გადაშენდა და გაწყდა. ჩვენ ჭკუამ გადაგვარჩინა. ვისაც "ნაცარქექია" წაკითხული აქვს, ძალიან კარგად იცის, როგორ მოიქცეს! ზოგიერთებმა კიდევ კარგად გადაიკითხონ, ვურჩევ! ცოტა ადრეც რომ გადაეკითხათ, კარგი იქნებოდა, მაგრამ ჭიდაობა ამჯობინეს! ჭიდაობა არ უნდა დაგვეწყო და გათახსირებულები არ უნდა გვეძახა მათთვის! ხომ ხედავთ, სომხები როგორ იქცევიან... ჩვენ ვეცით პირში, ვითომ მომრევები ვიყავით."- აცხადებს გივი ბერიკაშვილი.
(მოამზადა თეონა რამაზაშვილმა)
