საქართველოს პრეზიდენტმა გიორგი მარგველაშვილმა შვეიცარიის კონფედერაციის პრეზიდენტს, მის აღმატებულება სიმონეტა სომარუგას შვეიცარიის ეროვნული დღე მიულოცა.
„თქვენო აღმატებულებავ, მოხარული ვარ, გადმოგცეთ ჩემი გულითადი და წრფელი მოლოცვა შვეიცარიის ეროვნულ დღესთან დაკავშირებით. ამ ღირშესანიშნავ დღეს, მინდა, ხაზგასმით აღვნიშნო, რომ საქართველო დიდ მნიშვნელობას ანიჭებს თქვენს ქვეყანასთან მეგობრული და ორივე სახელმწიფოსათვის ურთიერთსასარგებლო ურთიერთობის განვითარებას. ვიყენებ ამ შესაძლებლობას და მსურს, კიდევ ერთხელ მადლობა გადაგიხადოთ საქართველოს სუვერენიტეტისა და ტერიტორიული მთლიანობის ურყევი მხარდაჭერისათვის. მჯერა, რომ საქართველოსა და შვეიცარიის კონფედერაციას შორის არსებული ისტორიული კავშირი და ხანგრძლივი მეგობრობა კიდევ უფრო გაძლიერდება და გაღრმავდება ორივე ერის წარმატებისათვის. თქვენო აღმატებულებავ, მინდა გამოვხატო ღრმა პატივისცემა თქვენს მიმართ და ვუსურვო მეგობარ შვეიცარიელ ხალხს მშვიდობა და კეთილდღეობა", - ნათქვამია საქართველოს პრეზიდენტის გიორგი მარგველაშვილის მისალოც წერილში.
