საპარლამენტო უმრავლესობის წევრი ნუკრი ქანთარია „რეპორტიორთან" საუბარში აღნიშნავს, რომ გიორგი მღებრიშვილი და კახა კახიშვილი თავიანთი გამოცდილების გათვალისწინებით,  გაცილებით მეტი სიკეთის მოტანას შეძლებენ ორი უმნიშვნელოვანესი უწყებისთვის. ქანთარია პრემიერის გადაწყვეტილებას იწონებს.

„დიდი ხანია კახის ვიცნობ, ერთად ძალიან ბევრი რამ გავიარეთ.  მის კომპეტენციაში და პატიოსნებაში ეჭვი არ მეპარება. გიორგი მღებრიშვილმა თავი გამოიჩინა როგორც კარგმა ორგანიზატორმა, ასე რომ, პრემიერმა საკმაოდ კარგი არჩევანი გააკეთა, რომელსაც, არა მგონია, ვინმემ რამე დაუწუნოს, გარდა „ნაციონალური მოძრაობისა".

იმედი მაქვს, ისინი მოახერხებენ, თავისი გამოცდილებით გაცილებით მეტი სიკეთე მოუტანონ ამ ორ ძალიან მნიშვნელოვან ისნტიტუტს", - აცხადებს ნუკრი ქანთარია.