უეფამ ოფიციალურ ვებგვერდზე გამოაქვეყნა თბილისის უფასო გზამკვლევი, სუპერ თასზე დამსწრე უცხოელი სტუმრებისთვის.
უეფას გზამკვლევი პრეზიდენტ მიშელ პლატინის მისასალმებელი წერილით იწყება. გზამკვლევში ფეხბურთის გულშემატკივრებს თბილისში მდებარე კაფე-ბარებისა, თუ ტრანსპორტის შესახებ შეუძლიათ ინფორმაციის მოძიება, ასევე შეუძლიათ გაეცნონ საქართველოს ფეხბურთის ფედერაციისა თუ ქალაქის დაარსების ისტორიას და სხვა.
უეფამ თავის გზამკვლევში უცხოელ გულშემატკივრებს "კულტურული რჩევებიც" მისცა:
"-ხელის ჩამორთმევა საქართველოში მისალმების გავრცელებული ფორმაა, თუმცა ისინი შეხვედრისას ხშირად ერთხელ კოცნიან ლოყაზე.
-ქართველები მეგობრული და სტუმართმოყვარე ხალხია. ისინი სტუმრებს ისე ეპყრობიან, როგორც ოჯახის წევრებს.
-არასდროს გამოიყენოთ შეურაცხმყოფელი სიტყვები ქართველებთან საუბრისას(ნებისმიერ ენაზე წარმოთქმული შეურაცხმყოფელი სიტყვები, ქართველებისთვის მარტივად მისახვედრია)".
შეგახსენებთ, რომ 11 აგვისტოს თბილისში, "დინამო არენაზე" უეფას სუპერ თასის მატჩი "სევილიასა" და "ბარსელონას" შორის გაიმართება.
წყარო: ipress.ge
