უეფა-ს პრეზიდენტმა მიშელ პლატინიმ განაცხადა, რომ ფეხბურთის საერთაშორისო ფედერაციაში არსებული სკანდალი გავლენას არ მოახდენს რუსეთში 2018 წლის მსოფლიო ჩემპიონატის გამართვაზე.

„მსოფლიო ჩემპიონატის ჩატარებსათან დაკავშირებით გადაწყვეტილება მიღებულია, რაც შეეხება რუსეთის საფეხბურთო კავშირში ცვლილებებს, ვერ ვხედავ მიზეზს, რა გავლენა უნდა მოახდინოს ამან მსოფლიო ჩემპიონატზე.

რუსეთს უფელება აქვს თვითონ აირჩიოს, ვინც სურს. შეგახსენებთ, რომ ჩვენ მხოლოდ და მხოლოდ ფეხბურთზე ვსაუბრობთ", - განაცხადა პლატინიმ.

შეგახსენებთ, რომ ფიფა-ს სკანდალი გამძაფრდა მაისში, როდესაც ციურიხში კორუფციაში ეჭვმიტანილი 7 მაღალჩინოსანი დააკავეს.

2018 წლის მსოფლიო ჩემპიონატი რუსეთის 11 ქალაქში, 14 ივნისიდან 15 ივლისის ჩათვლით ჩატარდება.