25 აგვისტოს, ბოსნია - ჰერცეგოვინას დედაქალაქ სარაევოში სტარტი აიღო ჭაბუკ მოჭიდავეთა მსოფლიოს ჩემპიონატმა. ბერძნულ - რომაული სტილის მოჭიდავემ, გარდაბნის მუნიციპალიტეტის სოფელ სართიჭალის წარმომადგენელმა, აივენგო რიკაძემ 63 კგ. წონით კატეგორიაში ყველა მეტოქე დაჩაგრა და ამ წონაში პლანეტის უძლიერესი მოჭიდავის ტიტული მოიპოვა.

აღსანიშნავია, რომ სართიჭალის მკვიდრმა აივენგო რიკაძემ ორიოდე კვირის წინ, სუბოტიცაში გამართულ ევროპის ჩემპიონატზე, კონტინენტის პირველობაც მოიგო. რაც შეეხება მსოფლიოს ჩემპიონატს, სარაევოში გამართულ ტურნირზე მან გზიდან ირანელი მოჰამედრეზა როსტამი (7-2), უკრაინელი ფავრიზ ნასიბოვი (2-2) და ყაზახი მერეი ბეკენოვი (4-3) ჩამოიცილა, ფინალში კი ეგვიპტელ მოჰამედ ელ საიედს აშკარა უპირატესობით, 11:2 სძლია.

დღეს, 26 აგვისტოს, სარაევოში კიდევ ორი სართიჭალელი იასპარეზებს. ნიკოლოზ ჭიკაიძე 69 კგ და გიორგი ხაცანაშვილი 85 კგ კატეგორიაში იჭიდავებენ.