ტელეკომპანია „იმედი" არხზე, საზოგადოებრივ- პოლიტიკური თოქ შოუების დროებით შეჩერების შესახებ განცხადებას ავრცელებს.
„საშემოდგომო სატელევიზიო სეზონზე ტელეკომპანია იმედი დროებით აჩერებს საზოგადოებრივ-პოლიტიკური თოქ შოუების სეგმენტს.
ამის მიზეზია ჩვენი სურვილი შევცვალოდ არსებული გადაცემების ფორმატი და შევიმუშაოდ თვისობრივად ახალი სატელევიზიო პროდუქტი, რომელსაც შევთავაზებთ მაყურებელს 2016 წლიდან.
ამავე განცხადებაში დიდი მადლობა გვინდა გადავუხადოთ გადაცემების გუნდის წევრებს, რომელთაგან თითოეულს დიდი წვლილი აქვს შეტანილი იმედის საზოგადოებრივ-პოლიტიკური თოქ შოუების შექმნაში."- აღნიშნულია განცხადებაში.
„რეპორტიორს" გადაცემა „რეაქციის" რედაქციის წევრებმა, ჟურნალისტ ინგა გრიგოლიას გუნდის წევრებმა დაუდასტურეს, რომ თოქ-შოუ „რეაქცია" ტელეკომპანია „იმედზე" მაუწყებლობას წყვეტს.
