ევროპის საკალათბურთო ჩემპიონატზე, საქართველოს კალათბურელთა ნაკრები ჰოლანდიასთან ანგარიშით - 72:73 დამარცხდა.

საქართველოს ნაკრების კაპიტანმა ზაზა ფაჩულიამ 16 ქულა მოაგროვა. ასევე 16 ქულა მოუგროვდა თორნიკე შენგელიას, 11-11 ქულა კი დუდა სანაძემ და მანუჩარ მარკოიშვილმა. ჯეიკობ პულენის ანგარიშზე 7 ქულაა, გიორგი ცინცაძის - 8, გიორგი შერმადინის - 2 და ვიქტორ სანიკიძის -1. ჰოლანდიის ნაკრებიდან კი საუკეთესოები შარლონ კლოოფი (22 ქულა) და უორტი დე იონგი (16 ქულა) იყვნენ.

საქართველოს ეროვნული ნაკრები ხვალ, თბილისის დროით 20:00 საათზე შეხვედრას სლოვენიის ნაკრებთან გამართავს.