C ჰეპატიტით ინფიცირებულები სამკურნალო მედიკამენტებზე ფასების დაწევას ითხოვენ. აქცია ფარმაცევტულ კომპანია"როშესთან" გაიმართა. მონაწილეების განცხადებით სამკურნალო მედიკამენტებზე მაღალი ფასებია, რისი სახსრებიც მათ არ გააჩნიათ. საქართველოში C ჰეპატიტით დაავადებულია 200 000 ადამიანი, მკურნალობა კი 15 000 დოლარი ღირს. ორგანიზაცია "ზიანის შემცირების საქართველოს ქსელმა" პრობლემასთან დაკავშირებით, კამპანია უკვე დაიწყო. მისი მიზანია, მთავრობის მიერ ამ კუთხით გადადგმულ ნაბიჯებს მხარი დაუჭიროს და ფარმაცევტულ კომპანიებს, სამკურნალო პრეპარატებზე ფასების გაიაფებაში დაეხმაროს. არასამთავრობო ორგანიზაცია "ზიანის შემცირების საქართველოს ქსელი" და C ჰეპატიტით დაინფიცირებულები, დღეს, მორიგ აქციას უკვე სხვა ფარმაცევტულ კომპანიასთან გამართავენ. ჯანდაცვის მსოფლიო ორგანიზაციის გადაწყვეტილებით, 28 ივლისი C ჰეპატიტის მსოფლიო დღეა.
