„მაქვს ინფორმაცია, როგორ ჩადიოდნენ მთელი ზაფხულის განმავლობაში „ზონელები" სააკაშვილთან ოდესაში და როგორ იღებდნენ დავალებებს, რა უნდა გაუკეთონ ხელისუფლების თითოეულ წარმომადგენელს", - ამის შესახებ ლადო სადღობელაშვილმა „კვირის ქრონიკას" განუცხადა. „თავისუფალი თაობის" ლიდერის თქმით, არ არის გამორიცხული, მათი მხრიდან ადგილი ჰქონდეს ჯგუფურ მივარდნებსაც. სადღობელაშვილი მოსალოდნელი თავდასხმის შესახებ პაატა ზაქარეიშვილსაც აფრთხილებს.
„მაგალითად, ასე მივარდნენ აფხაზეთის მთავრობის ღონისძიებაზე, სადაც აფხაზეთის კულტურის მინისტრის მოადგილე გამოლანძღეს. ამის შესახებ ვიდეოკადრებიც გავრცელდა. თქვენი გაზეთის საშუალებით ვაფრთხილებ პაატა ზაქარეიშვილს, უახლოეს დღეებში მასზე იგეგმება ანალოგიური თავდასხმა „ზონელებისგან". ესენი უკვე ისე გათავხედდნენ, თანამდებობის პირებს პირდაპირ „უსადკავებენ" სამინისტროებთან და აყენებენ შეურაცხყოფას", - განაცხადა სადღობელაშვილმა.
მისი თქმით, აგრესიული ხასიათის კამპანიაზე გადასვლა მიხეილ სააკაშვილის დავალებაა.
„თუ რომელიმე პატრულმა დააკავა „ზონელი", ეგრევე მივარდებიან ხოლმე ნაციონალები სასამართლოში და ყველას „აჩმორებენ". ბოლოს დამნაშავე „ზონელები" სასამართლოდან სიტყვიერი გაფრთხილებით გამოდიან, ხოლო ჩვენ ვისჯებით. აი, ამაშია საქმე, დღეს ხელისუფლება იმყოფობა შიშის ქვეშ. კი ბატონო, რაც უნდათ, ის ქნან, ჩვენ ვართ არა მხარე, არამედ „ნაცმოძრაობის" სისტემის მოწინააღმდფეგ ძალა", - განაცხადა სადღობელაშვილმა.
წყარო: გაზეთი „კვირის ქრონიკა"
(მოამზადა ალა გრიგალაშვილმა)
