„თავისუფალი თაობის" ლიდერი ლადო სადღობელაშვილი აცხადებს, რომ „ნაციონალური მოძრაობის" სატელიტი არასამთავრობო ორგანიზაციები ქვეყანაში პროვოკაციების მოწყობას გეგმავენ. სადღობელაშვილის თქმით, მისი ორგანიზაცია მაქსიმალურად შეეცდება, ამ საქმეში ხელი შეუშალოს „თავისუფალ ზონასა" და „პიკასოს კლუბს".

„ცოტა ხნის წინ შევიკრიბეთ თუმანიშვილის თეატრში, განვაცხადეთ, რომ მზად ვართ, ძველ რეჟიმში გადავიდეთ და „თავისუფალი ზონა" იქნება, „პიკასოს კლუბი" თუ სხვა „ნაციონალური" უბედურება, ერთხელ და სამუდამოდ გავაჩეროთ. ჩვენ მათ ვაიძულებთ, რომ ცხვირი ვერ გამოყონ გარეთ პროვოკაციების მოსაწყობად. ჩვენ ვიწყებთ და იმედია, ამაში ხელს ვერავინ შეგვიშლის!" - განაცხადა სადღობელაშვილმა.

წყარო: გაზეთი „კვირის ქრონიკა"

(მოამზადა ალა გრიგალაშვილმა)