მსახიობი კოტე თოლორდავა, რომელიც რამდენიმე თვის წინ, 35 წლის ასაკში გარდაიცვალა, დააჯილდოვეს. თოლორდავას პრიზი ამერიკაში საერთაშორისო Diabolique International Film Festival-მა მამაკაცის საუკეთესო როლის შესრულებისთვის მიენიჭა.

მსახიობს ჯილდო რეჟისორ ლევან ბახიას ფილმში ‎landmine goes click შესრულებული როლისთვის მიენიჭა.

რაც შეეხება ფილმს, მისი პრემიერა საქართველოში გასულ წელს გაიმართა. უცხოელ მსახიობებთან ერთად მასში კოტე თოლორდავა, გიორგი ცაავა, ნანა კიკნაძე და ელენე მეზარაშვილი მონაწილეობდნენ.

შეგახსენებთ, რომ კოტე თოლორდავას მეუღლემ განო მელითაურმა 3 ოქტომბერს გოგონა გააჩინა. პატარას ელენე დაარქვეს.

წყარო - ambebi.ge