„არასოდეს დავემსგავსები „ნაცმოძრაობას" და არ დავიწყებ მათსავით ლაპარაკს, რომ არავითარი ხარვეზი ჩვენს ხელისუფლებას არ აქვს", - ამის შესახებ საპარლამენტო უმრავლესობის წევრმა ზაზა პაპუაშვილმა „კვირის ქრონიკას" განუცხადა. დეპუტატი ამბობს, რომ ხარვეზები არის და ეს მასაც აღელვებს.

„არის ხარვეზები, როგორ არა? როცა თანამდებობაზე ხარ, გადაწყვეტილების მიღების უნარიც უნდა გაგაჩნდეს. მეტი სითამამეა საჭირო! მთავარია, არ ჩაიდინო ბოროტება. თუ ჩვენ შეცდომის ჩადენის შეგვეშინდა, მაშინ ვერაფერს გავაკეთებთ. უნდა აკეთო, იქნება შეცდომა, მაგრამ გამოსწორებადი.  ეს არ უნდა იყოს გამიზნული ბოროტება, ხალხის ძარცვა, ტერორი ადამიანების... მეტი გამბედაობაა საჭირო", - განაცხადა პაპუაშვილმა.

წყარო: გაზეთი „კვირის ქრონიკა"

(მოამზადა ალა გრიგალაშვილმა)