„„ქართულ ოცნებას" საბედისწერო შეცდომები არც დღემდე დაუშვია და დარწმუნებული ვარ, ასეთ შეცდომებს არც მომავალში დაუშვებს", - აცხადებს „ქართული ოცნების" აღმასრულებელი მდივანი ირაკლი კობახიძე და აქვე განმარტავს, რომ დღევანდელი ხელისუფლების წარმომადგენლები მძიმე შეცდომების დაშვებისკენ მიდრეკილნი არ არიან. ამის შესახებ კობახიძე „პრაიმტაიმს" ესაუბრა.
„ნებისმიერ ხელისუფლებას შეიძლება ჰქონდეს შეცდომები, არც ერთი ხელისუფლება არსად იდეალური არ არის. თვითკრიტიკის უნარი არის ერთ-ერთი უმთავრესი თვისება,რომელიც ჩვენ წინა ხელისუფლებისგან განგვასხვავებს... „ქართულ ოცნებას" საბედისწერო შეცდომები არც დღემდე დაუშვია და დარწმუნებული ვარ, ასეთ შეცდომებს არც მომავალში დაუშვებს. ვიცნობ ადამიანებს, რომლებიც ქვეყანას მართავენ, გადაწყვეტილებებს იღებენ და დარწმუნებით შემიძლია გითხრათ, რომ ჩვენი ხელისუფლება ნამდვიად არ არის მიდრეკილი მძიმე შეცდომების დაშვებისკენ, აღარაფერს ვამბობ დანაშაულის ჩადენაზე", - განაცხადა კობახიძემ.
წყარო: „პრაიმტაიმი"
