„ზუგდიდის უშიშროების უფროსი თემურ გაბუნია არის პირველ რიგში დასაკითხი, მაგას უნდა დაალეწო თავ-პირი და ყველაფერს იტყვის", - ამის შესახებ „ასავალ-დასავალს" საქართველოს პირველი პრეზიდენტის თანამებრძოლმა ზაზა გაბედავამ „ასავალ-დასავალს" განუცხადა. ინტერვიუში გაბედავა იხსენებს, როცა ის ორ პირთან ერთად თავს დაესხა გაბუნიას.
„1992 წელს მივუვარდით „ბეტეერით" და თავზე დავამხეთ მთელი თავისი უშიშროება. აი, ამიტომ მაქვს მისჯილი დაუსწრებლად 13 წელი! მაგ ულვაშას, მაგ ნაძირალა თემურ გაბუნიას პირადად ავყარე იარაღი, განვაიარაღეთ მთელი უშიშროება, ისე, რომ მსხვერპლი არ ყოფილა. დიახ, ზვიადის მკვლელებს იარაღი წავართვი და ამის გამო მომისაჯეს 13 წელი. ნაძირალა გაბუნია მოსკოვს აწვდიდა ინფორმაციებს, მოღალატე იყო და ამიტომაც მივუვარდით მე, „ხუსეინა" და „კონგი", - განაცხადა გაბედავამ.
წყარო: გაზეთი „ასავალ-დასავალი"
