პრობაციის ეროვნული სააგენტოსა და საქართველოს დაცული ტერიტორიების სააგენტოს ორგანიზებით, თბილისის ეროვნულ პარკში დასუფთავების აქცია გაიმართა. ღონისძიებაში მონაწილეობდნენ პრობაციის ეროვნული სააგენტოს უფროსი გიორგი არსოშვილი და დაცული ტერიტორიების სააგენტოს თავმჯდომარე რატი ჯაფარიძე.
თბილისის პრობაციის ბიუროში აღრიცხვაზე მყოფმა პირობით მსჯავრდებულებმა და საზოგადოებისათვის სასარგებლო შრომამისჯილებმა, ტყის მასივი პოლიეთილენის ბოთლების, პარკებისა და სხვა საყოფაცხოვრებონარჩენებისგან გაწმინდეს.
მსგავსი ღონისძიებები სისტემატურად ტარდება: ივლისში, იმერეთის პრობაციის ბიუროში აღრიცხვაზე მყოფმა ათმა არასრულწლოვანმა პირობით მსჯავრდებულმა სათაფლიის აღკვეთილის ტერიტორია დაასუფთავა. სამცხე-ჯავახეთისპრობაციის ბიუროში აღრიცხვაზე მყოფმა ათმა პირობით მსჯავრდებულმა კი, ბორჯომ-ხარაგაულის ეროვნულ ტყე-პარკში ლაშქრობა მოაწყო.
ეს ღონისძიებები ხელს უწყობს დაცული ტერიტორიების და ეროვნული პარკების შესახებ პრობაციონერების ცნობადობის ამაღლებას, საზოგადოებაში მათ რეინტეგრაციასა და ჯანსაღი ცხოვრების წესის დამკვიდრებას.
