ბიზნესმენი ქიბარ ხალვაში დარწმუნებულია, რომ „რუსთავი 2"-თან დაკავშირებულ დავაში გაიმარჯვებს.
„რა თქმა უნდა, მჯერა, რომ „რუსთავი 2"-ს დავიბრუნებ. ამის მჯეროდა მაშინაც, როცა ამაზე ფიქრიც არ შეიძლებოდა. არ შეიძლება, საბოლოოდ სიმართლემ არ გაიმარჯვოს. ამისი მჯეროდა მაშინაც, როდესაც მთლიანად მიშას ნებაზე დამოკიდებულ სასამართლოში და პროკურატურაში ვცდილობდი ჩემი სიმართლის დამტკიცებას. კიდევ ერთხელ მინდა ვუთხრა ყველას, ვისაც გული შესტკივა თავისუფალ და დამოუკიდებელ მედიაზე, როგორც საქართველოში, ასევე მის ფარგლებს გარეთ: მეგობრებო, „რუსთავი 2"-ის დაბრუნებასთან დაკავშირებულ დავაში ჩემი გამარჯვება იქნება გარანტია იმისა, რომ ეს არხი გახდება მიუკერძოებელი მედიასაშუალება და დაიბრუნებს საზოგადოების მხრიდან პატივისცემასა და სიყვარულს", - ამბობს ხალვაში.
წყარო: გაზეთი „ვერსია"
(მოამზადა ალა გრიგალაშვილმა)
