„შეგუებულები უნდა ვიყოთ: მოდის არჩევნები და იქნება კომპრომატები", - ამის შესახებ ვახტანგ ძაბირაძემ წამებისა და გაუპატიურების ამსახველ ვიდეომასალაზე საუბრისას „ალიას" განუცხადა. რაც შეეხება იმას, ვინ გაავრცელა აღნიშნული კადრები სოციალურ ქსელებში, ექსპერტის თქმით, ამას ვერავინ დაადგენს და ვერ გამოიძიებს.
„საერთოდ, ის ფაქტი, რომ „ნაციონალური მოძრაობის" დროს დანაშაულს ჰქონდა სისტემური ხასიათი, ეს საკითხი გადავიდა მეორე პლანზე და დღეს ხელისუფლება და „ნაცმოძრაობა" დავობენ იმაზე, უნდა ნახონ თუ არა ეს კადრები ბავშვებმა. უბედურებაა, რომ დღეს ვმსჯელობთ იმაზე, დაისაჯონ თუ არა კადრების გამავრცელებლები, მთავარი დამნაშავეების დასჯაზე კი აღარ ვლაპარაკობთ. არ ვლაპარაკობთ იმაზე, რატომ ხდებოდა ასეთი დანაშაული, ვივიწყებთ იმ ხალხს, ვინც ეს საშინელება ჩაიდინა", - განაცხადა ძაბირაძემ.
წყარო: გაზეთი „ალია"
(მოამზადა ალა გრიგალაშვილმა)
