„დღეს სიტყვის თავისუფლებისთვის „ნაციონალური მოძრაობის" ბრძოლა იგივეა, ოსვენციმის საკონცენტრაციო ბანაკის შრომით კოლექტივს ებრაელი ხალხის უფლებების დასაცავად რომ ებრძოლა", - განაცხადა დავით მაღრაძემ „კვირის პალიტრასთან" საუბრისას. მწერლის თქმით, „რუსთავი 2"-სა და „ნაციონალურ მოძრაობას" მხარდამჭერები არ ჰყავს.

„მათ ადრე „დამჭერები" ჰყავდათ. არც ხელისუფლებაში არიან და არც ყვითელი ავტობუსები ექვემდებარებათ, რომ ხალხი ქუჩაში ძალის გამოყენებით გამოიყვანონ. ყოველ ჯერზე „ნაციონალური მოძრაობა" მის მიერ ორგანიზებულ შეკრებებზე პარტიის სამოქალაქო პანაშვიდს იხდის! მხარდამჭერთა რაოდენობა კონცერტის სანახავად მოსული თინეიჯერებითა და ძალით მოყვანილი ადამიანებით შემოიფარგლება და სწორედ ეს აშფოთებთ", - განაცხადა მაღრაძემ.

წყარო: გაზეთი „კვირის პალიტრა"

(მოამზადა ალა გრიგალაშვილმა)