„უკრაინული ვიკილიქსის" მიერ გამოქვეყნებულ ახალ ჩანაწერებზე, სადაც მიხეილ სააკაშვილი, დავით კეზერაშვილთან ერთად სირიაში რუსეთის წინააღმდეგ ტერაქტების მოწყობას გეგმავს, „კვირის ქრონიკას" მამა ელიზბარ დიაკონიძე ესაუბრა. მისი თქმით, შემაშფოთებელია სირიაში არსებულ კონფლიქტში ქართველის რაიმე ფორმით ჩართვა.
„სირიაში რუსი და ამერიკელია დაჯახებული ერთმანეთს. შემაშფოთებელია, რომ ამ გლობალურ პოლიტიკურ პროცესებში ჩვენი ტვინგახურებული ქართველები საქართველოს საზიანოდ ერევიან. სააკაშვილმა და მისმა დამქაშებმა დღემდე ვერ მოინელეს ის სიძულვილი, რაც მათ მიმართ არის ხალხში და ამ ხალხის გასრესა უნდათ. სწორედ ამას მოწმობს უკანასკნელ დღეებში გამოქვეყნებული ჩანაწერები. მიშას ახლა კიევში უნდა ასვლა, ოდესის სახით ტრამპლინი მოიწყო. უკრაინა-რუსეთის კონფლიქტმა ადგილზე გაყინა და ეს მას არ უნდა. მგონი, ანტიქრისტეა, ხვალ კი ღმერთად წარმოგვიჩენს თავს. სტალინის ძეგლი ხომ ჩამოგვიგდო, ახლა თავის ძეგლს დაგვიდგამს", - ამბობს მამა ელიზბარ დიაკონიძე.
წყარო: გაზეთი „კვირის ქრონიკა"
(მოამზადა ალა გრიგალაშვილმა)
