კოდორის ხეობაში პრეზიდენტის ყოფილი რწმუნებული ემზარ კვიციანი სამართლიანობის აღდგენაზე საუბრობს და საქართველოს ექს-პრემიერს ბიძინა ივანიშვილს მოუწოდებს - ამ პროცესს სათავეში თავად ჩაუდგეს. ამის შესახებ კვიციანმა „ასავალ-დასავალთან" ინტერვიუში განაცხადა და აქვე დასძინა, რომ დამნაშავეები კანონის მთელი სიმკაცრით უნდა დაისაჯონ.
„გულწრფელად გეტყვით, ბიძინა ივანიშვილის ადგილზე რომ ვიყო, არ მოვითმენდი ნაციონალებისგან ამდენ გინებას. ივანიშვილი შეიძლება გააკრიტიკო, მაგრამ ეს ადამიანი გინებას ნამდვილად არ იმსახურებს. ბატონო ბიძინა, თქვენი იმედი აქვს საქართველოს მოსახლეობას, ამიტომაც გირჩევთ, პირადად ჩაუდგეთ სათავეში სამართლიანობის აღდგენას და რაც შეიძლება მალე გასცეთ პასუხი ნაძირლებს! აიკრძალოს „ნაციონალური მოძრაობა", როგორც ფაშისტური პარტია და კანონის მთელი სიმკაცრით დაისაჯონ მისი აგრესიული წევრები. ფაქტები არ არსებობს თუ რა?! პირადად მე მზად ვარ, სიცოცხლის ფასად დაგიდგეთ გვერდით ამ საშვილიშვილო საქმეში!" - განაცხადა კვიციანმა.
წყარო: „ასავალ-დასავალი"
