"ისლამური სახელმწიფოს" მებრძოლები სოციალურ ქსელში ავრცელებელ ინფორმაციას, რომლის თანახმადაც ეგვიპტეში რუსული სამგზავრო თვითმფრინავი მათ ჩამოაგდეს. როგორც სააგენტო "როიტერი" იტყობინება, სინაის ნახევარკუნძულზე მოქმედმა "ისლამური სახელმწიფოს" მებრძოლებმა მომხდარზე პასუხისმგებლობა აიღეს.
რუსული მედიის ინფორმაციით, ტერორისტებმა თვითმფრინავი საზენიტო რაკეტით ჩამოაგდეს.
„ისლამური სახელმწიფოს მებრძოლებმა პროვინცია სინაიში რუსული თვითმფრინავის ჩამოგდება შეძლეს, რომლის ბორტზეც 220 რუსი ჯვაროსანი იმყოფებოდა. მადლობა ღმერთს, ყველა მათგანი მოკლულია", - ნათქვამია "ისლამური სახელმწიფოს" მებრძოლების განცხადებაში.
როგორც "ბიბისი" აღნიშნავს, რუსულმა თვითმფრინავმა კატასტროფა სინაის ნახევარკუნძულის იმ რაიონში განიცადა, სადაც შეიარაღებული მებრძოლები აქტიურობენ.
რუსეთის ტრანსპორტის მინისტრმა მედიაში გავრცელებული ინფორმაცია უარყო.
