ცესკო-ს მონაცემებით, აზერბაიჯანში ჩატარებულ საპარლამენტო არჩევნებში პრეზიდენტ ილჰამ ალიევის პარტიამ გაიმარჯვა. „ახალმა აზერბაიჯანმა" 125-ადგილიან პარლამენტში 70 ადგილი მოიპოვა.

არჩევნებს ბოიკოტი გამოუცხადა ყველა წამყვანმა ოპოზიციურმა პარტიამ და მთავრობა ოპონენტების დევნაში დაადანაშაულა.

პარტია „მუსავატის" ლიდერმა არიფ გაჯილიმ სააგენტო „როიტერს" განუცხადა, რომ პარტიამ არჩევნებში მონაწილეობაზე იმის გამო თქვა უარი, რომ წინასაარჩევნო პერიოდში უამრავი დარღვევა დაფიქსირდა.

„BBC"-ის ცნობით, ოფიციალური ბაქოს მხრიდან დაწესებული შეზღუდვების გამო, ეუთო-მ აზერბაიჯანში დამკვირვებლების გაგზავნაზე უარი თქვა.