ზვიად გამსახურდიას ვაჟი კონსტანტინე გამსახურდია მიხეილ სააკაშვილთან ასოცირებული ძალების მიერ ქვეყანაში სახელმწიფო გადატრიალების მოწყობას არ გამორიცხავს. მისი თქმით, სააკაშვილს ამ ძალებთან ერთად აქვს რესურსი, არეულობა მოაწყოს საქართველოში.
„დღეს მე ვხედავ, რომ ძალას, რომელიც ასოცირებულია მიხეილ სააკაშვილთან, აქვს დესტაბილიზაციისა და მაიდანიზაციის უნარი და რესურსი", - განუცხადა „კვირის პალიტრას" ზვიად გამსახურდიას ვაჟმა.
ინტერვიუში გამსახურდია 2007 წლის მოვლენებს იხსენებს და ამბობს, რომ მაშინ ოპოზიციას ნამდვილად ჰქონდა საშუალება, მოეხდინა დესტაბილიზაცია, მაგრამ ამაზე არ წავიდა. რაც შეეხება გავრცელებულ სატელეფონო ჩანაწერებს, გამსახურდიას თქმით, ამ ჩანაწერების გავრცელება ნიკა გვარამიას არ უნდა გაჰკვირვებოდა. „ვინაიდან, ნათქვამია, რასაც დასთეს, იმას მოიმკი..." - ამბობს კონსტანტინე გამსახურდია.
წყარო: გაზეთი „კვირის პალიტრა"
