პარტია „თეთრების" ლიდერი თემურ შაშიაშვილი „კვირის ქრონიკასთან" საუბარში ხელისუფლების ბოლოდროინდელ ქმედებებს აფასებს.
„რასაც ახლა აკეთებს ხელისუფლება, ეს უნდა გაკეთებულიყო მისი მოსვლიდან პირველ თვეებში. ესენი ახლა ამოძრავდნენ და თან ძალიან უხეშად. არავინ იცის, ხელისუფლების ეს ქმედებები ქვეყანას როგორ შემოუბრუნდება!" - აცხადებს თემურ შაშიაშვილი.
მისი თქმით, „ქართულოცნებას" ხელისუფლებაში მოსვლისთანავე უნდა მოეწვია უცხოელი ექსპერტები, სპეციალისტები.
„დასაწყისში უნდა გაკეთებულიყო ანალიზი ქვეყნის ეკონომიკური მდგომარეობაზე. „ნაციონალური მოძრაობის" მოღვაწეობის შედეგად ეკონომიკა გასწორდა მიწასთან. დანარჩენი მსოფლიოსთვის უნდა გვეთქვა, სინამდვილეში რას წარმოადგენს მიხეილ სააკაშვილი. ბატონმა ივანიშვილმა, ნაცვლად იმისა, რომ ნიჭიერი ადამიანები შემოეკრიბა, წარსული შეცდომების ანალიზი გაეკეთებინა და გარედან მიცემული რჩევები გაეთვალისწინებინა, სააკაშვილის მიერ შექმნილ ბუტაფორიაზე დაიწყო რაღაცის მშენებლობა, მაგრამ ეს ხომ შეუძლებელია, ბუტაფორიაზე სახელმწიფოს ვერ ავაშენებთ", - აცხადებს „თეთრების" ლიდერი.
წყარო: „კვირის ქრონიკა"
