გუშინ გავრცელებულ ფარულ აუდიოჩანაწერებთან დაკავშირებით მიხეილ სააკაშვილის დაცვის ყოფილი უფროსმა თემურ ჯანაშიამ და მომღერალმა სოფო ნიჯარაძემ ჩვენება დღეს უნდა მისცენ. ისინი კონტრდაზვერვის დეპარტამენტში დაიკითხებიან. მომღერალი ადვოკატ ბექა ბასილაიასთან ერთად, უკვე გამოცხადდა კონტრდაზვერვის დეპარტამენტის შენობაში. ნიჟარაძე უკრაინულ ვებ-გვერდზე გამოქვეყნებული მასალის ავთენტურობას ეჭქვეშ აყენებს და ასევე აცხადებს, რომ ეს მასალა არის დამონტაჟებული.
„სასაცილოდ და აბსურდულად მეჩვენება დაკითხვაზე ჩემი დაბარება აქ. თუმცა, თუ რამე შეკითხვა არსებობს ამ ფაბრიკაციულ ვიდეოებთან დაკავშირებით, მე მზად ვარ, ვუპასუხო. როგორც კანონმორჩილი მოქალაქე, მოვედი აქ და მზად ვარ, გავცე კითხვებს პასუხები. ძალიან საინტერესოა, რა შეიძლება იყოს ეს კითხვები. დეტალებს შემდეგ გაგაცნობთ", - განაცხადა ნიჟარაძემ.
