ბიზნესმენი, ყოფილი პატიმარი გენო აროშიძე „კვირის პალიტრასთან" ინტერვიუში ჰყვება, თუ როგორ აწამებდნენ ციხეში და რა ვითარებაში უწევდა ყოფნა:

„გაერთიანებული ოპოზიციის მხარდამჭერი ვიყავი. 2010 წელს, ადგილობრივი არჩევნების შემდეგ მომიწყვეს სპეცოპერაცია და მოვხვდი გლდანის მე-8 დაწესებულებაში, რომლის უფროსიც სისასტიკით განთქმული ოლეგ ფაცაცია იყო.

ჩამიყვანეს კარანტინში, სადაც 10-12 კაცი გონების დაკარგვამდე წიხლებით და ხელკეტებით მცემდა და მაფურთხებდა. ნეკნები ჩამემტვრა, თირკმელში ახლაც მაქვს ჩაკირული ჰემატომები, მარცხენა ყურში სმენა დავკარგე.

ახლა გაიძახიან, დადგმულია ციხის კადრებიო. რაც გადავიტანე, მომეჩვენა? თვითონ გამოვიარე ეს ჯოჯოხეთი და გავნადგურდი ფიზიკურად, მორალურად თუ მატერიალურად.

ზოგი შემსრულებელი კი მისცეს პასუხისგებაში, მაგრამ სად არიან კალმახელიძე და შაშკინი?! თუ არ იცოდნენ, რა ხდებოდა მათ სისტემაში?!

ის ყოფილი მაღალჩინოსნები, ვინც საქართველოდან გაიქცა, ხელცარიელები არ წასულან და ე.წ. კასრების კადრებიც ბევრმა გააყოლა ხელს", - განაცხადა გენო აროშიძემ.

წყარო:   „კვირის პალიტრა"