სააგენტო „როიტერის" ინფორმაციით, სამხრეთ სუდანის პრეზიდენტის ადმინისტრაციამ რუსული სატვირთო თვითმფრინავის ჩამოვარდნა დაადასტურა. მედიის ინფორმაციით, ბორტზე 20 ადამიანი, მათ შორის ეკიპაჟის წევრები და მგზავრები იმყოფებოდნენ.

„რია ნოვოსტის" ინფორმაციით, რომელიც თვითმხილველებზე დაყრდნობით წერს, კატასტროფის ადგილზე შესაძლოა, 40-ზე მეტი ცხედარი იყოს.

ადგილობრივი მედია იუწყება, რომ თვითმფრინავი ქალაქ პალოჩში მიემგზავრებოდა და დედაქალაქ ჯუბას აეროპორტის სიახლოვეს ჩამოვარდა.