„სააკაშვილი სასწრაფოდ უნდა იქნეს გადაყენებული ოდესის გუბერნატორობიდან და უკრაინაში პერსონა ნონ გრატად გამოცხადდეს!" - აცხადებს დიასპორის საკითხებში სახელმწიფო მინისტრის მოადგილე. როგორც სანდრო ბრეგაძემ „ასავალ-დასავალთან" ინტერვიუში აღნიშნა, უკრაინელმა ხალხმა სააკაშვილს „წითელი ბარათი უკვე უჩვენა", როცა მისი მრჩეველი ოდესის მოსახლეობამ მერად არ აირჩია.
„რაც შეეხება უკრაინის ხელისუფლებას, იგი ჯერ კიდევ პოსტრევოლუციურ ეიფორიაშია, მაგრამ ეს პროცესი მალე დაიწმინდება და ნათლად დაინახავენ, რომ პროვოკატორი და ავანტიურისტი სააკაშვილი უკრაინული სახელმწიფოსთვის სერიოზულ საფრთხეს წარმოადგენს. მერწმუნეთ, საბოლოო ჯამში, უკრაინის ხელისუფლება სააკაშვილზე მაღლა საქართველოსა და ქართველი ხალხის ინტერესებს დააყენებს!" - განაცხადა ბრეგაძემ.
წყარო: გაზეთი „ასავალ-დასავალი"
(მოამზადა ალა გრიგალაშვილმა)
