საქართველოს კათოლიკოს- პატრიარქმა ილია მეორემ სამების საკათედრო ტაძარში საკვირაო ლიტურგია აღავლინა.

„პარასკევს, 13 ნოემბერს 100 000 მოწამის ხსენებაა. საღამოს 17:00 საათზე, მეტეხის ხიდზე შესრულდება პარაკლისი მათ სადიდებლად.

დალოცვილი და გახარებული გამყოფოთ მამაზეციერმა," - ბრძანა პატრიარქმა.

წირვის დასრულების შემდეგ, პატრიარქმა დააჯილდოვა სასულიერო პირები და დალოცა გვარები.

100 ათასი ქართველი მოწამის ხსენების დღესთან დაკავშირებით, ყოველი წლის 13 ნოემბერს, სრულიად საქართველოს კათოლიკოს-პატრიარქის ილია მეორის ლოცვა-კურთხევით, მეტეხის ხიდის მიმართულებით მსვლელობა ეწყობა, რომელშიც სხვადასხვა ეკლესიის მრევლი მონაწილეობს.