გოგი თოფაძე პარლამენტში შესაძლოა მისმა დისშვილმა, მწერალ ოთარ ჭილაძის ვაჟმა, მთარგმნელმა ზაზა ჭილაძემ ჩაანაცვლოს. ამის შესახებ „კვირის ქრონიკას" საპარლამენტო უმრავლესობის წევრი ზურაბ ტყემალაძე ესაუბრა. როგორც ტყემალაძემ განმარტა, ზაზა ჭილაძე საბოლოო პასუხს გოგი თოფაძის პარლამენტიდან წასვლის შემდეგ განაცხადებს.

„ჯერ ვაკანსია არ არის, ჯერ გოგის საბოლოო გადაწყვეტილება არ მიუღია, ზაზას დაველაპარაკებით, არა მგონია, უარი გვითხრას.

ვიცი, უარს ამ ეტაპზე იმიტომ ამბობს, რომ ჯერ უხერხულია. რას იტყვის, ველოდები, ბიძაჩემი პარლამენტიდან როდის გავიდეს და მე კიდე უნდა მოვიდეო? როდესაც დაინახავს, რომ უკვე იქნება რეალური ვაკანსია, მერე სხვანაირად იფიქრებს და იტყვის. მე ასე მგონია", - აცხადებს ტყემალაძე.

წყარო:   „კვირის ქრონიკა"