საპარლამენტო ურმავლესობის წევრი ალექსანდრე ქანთარია დასავლელ პარტნიორებს მოუწოდებს, „რუსთავი 2"-ის გარშემო მიმდინარე პროცესებს ობიექტურად დააკვირდნენ. ამის შესახებ ქანთარია „კვირის ქრონიკას" ესაუბრა და აქვე დაინტერესდა, თუ რატომ არ რეაგირებენ „უცხოელი მეგობრები", როდესაც მათ საქართველოს ექს-პრეზიდენტი მიხეილ სააკაშვილი იდიოტებს უწოდებს.
„მართალია, ჩვენი უცხოელი მეგობრები ამბობენ, რომ ყურადღებით აკვირდებიან „რუსთავი 2"-ის გარშემო განვითარებულ მოვლენებს, მაგრამ კარგი იქნება, თუ უფრო ყურადღებით დააკვირდებიან ასევე იმ მხარესაც, რომელიც მათ იდიოტებად მოიხსენიებს. როცა ჩვენს უცხოელ მეგობრებს ეგონათ, რომ სწორედ „ნაციონალები" არიან დემოკრატიის შუქურის ავტორები, მოისმენდნენ მიხეილ სააკაშვილის შეფასებას, როგორ ამკობს სააკაშვილი მის ერთგულ დამცველებს. ამასაც ყურადღებით უნდა დააკვირდნენ ჩვენი მეგობრები და დაფიქრდნენ, რატომ მოიხსენიებს სააკაშვილი მათ იდიოტებად? თუ მათი მხრიდან დაკვირვება იქნება ობიექტური, არ იქნება ცალმხრივი, ჩვენც ეს გვინდა. დააკვირდნენ და გადაწყვეტილება იყოს სამართლიანი", - განაცხადა ქანთარიამ.
წყარო: „კვირის ქრონიკა"
