კონტროლის პალატის ყოფილი უფროსი სულხან მოლაშვილი „საქართველოს რესპუბლიკასთან" წინა ხელისუფლების პირობებში, მისი პატიმრობისა და წამების შესახებ საუბრობს. როგორც მოლაშვილი განმარტავს, „ნაციონალური მოძრაობის" დროს არსებული პენიტენციალური სისტემა ქვეყნის სახე იყო.

 „სააკაშვილის პერიოდის პენიტენციალური სისტემა იყო სახე იმისა, რაც ჩვეულებრივ ახასიათებს ხოლმე სისხლიან ავტორიტარულ რეჟიმს, ხოლო ახლანდელი სასჯელაღსრულება - სახეა დემოკრატიის გზაზე მდგარი სახელმწიფოსი... თუმცა, ძალიან ბევრი ავტორიტარული სახელმწიფო შემიძლია დაგისახელოთ, სადაც ისეთი საშინელებები არ მომხდარა, როგორიც სააკაშვილისეულ ქართულ ციხეებში ხდებოდა. ფაშისტებიც კი, შედარებით ლმობიერები იყვნენ საკუთარი მოქალაქეების მიმართ..."- აღნიშნავს მოლაშვილი.