საპარლამენტო უმრავლესობის წევრი გედევან ფოფხაძე ქუთაისში „რუსთავი 2"-ის მხარდამჭერ აქციაზე დაკავებული პირების წინასწარ პატიმრობაში დატოვების საკითხზე კომენტარს აკეთებს:

„წინასწარი პატიმრობის, როგორც აღმკვეთი ღონისძიების გამოყენების მომხრე ზოგადად არა ვარ და მიმაჩნია, მარტო უკიდურეს შემთხვევაში უნდა იყოს გამოყენებული. მაგრამ, მეორე მხრივ, არავინ არ უნდა ჩათვალოს, რომ საზოგადოებრივი საფრთხის მატარებელი არ არის საჯარო დაწესებულებებისა და ოფიციალური პირების მიმართ განხორციელებული ძალადობა და ზეწოლა", - განაცხადა გედევან ფოფხაძემ.