CNN-ის მიერ გავრცელებული ინფორმაციით, პარიზში 6 სხვადასხვა ადგილზე მომხდარი ტერაქტების შედეგად სულ მცირე 153 ადამიანი დაიღუპა, 200-ზე მეტი კი დაშავებულია.
„როიტერის" ცნობით, პარიზის სხვადასხვა ადგილზე გუშინ შეიარაღებული პირები თავს დაესხნენ რესტორნებს, საკონცერტო დარბაზებსა და სპორტულ მოედნებს.
საფრანგეთის პრეზიდენტმა ფრანსუა ოლანდმა მომხდარს უპრეცედენტო ტერორისტული შეტევა უწოდა.
წყაროს ცნობით, შეიარაღებულმა პირებმა თეატრ „ბატაკლანში" როკ-კონცერტზე მისული დაახლოებით 100 ადამიანი მოკლეს. ანტიტერორისტულმა ძალებმა შენობაზე იერიში მიიტანეს, „ბოევიკები" მოკლეს და გადარჩენილი მძევლები გაათავისუფლეს.
ასევე ორჯერ შეტევა განხორციელდა ეროვნულ სტადიონზე, სადაც საფრანგეთის პრეზიდენტი ოლანდი და გერმანიის საგარეო საქმეთა მინისტრი ამხანაგურ საფეხბურთო მატჩს ესწრებოდნენ. მას შემდეგ, რაც ფრანსუა ოლანდმა სტადიონი დატოვა, მან ქვეყანაში საგანგებო სიტუაცია გამოაცხადა. ოლანდმა საფრანგეთის საზღვრები ჩაკეტილად გამოაცხადა, რათა დამნაშავეთა გაქცევა არ დაუშვან.
