საფრანგეთში მცხოვრები ქართველი ჟურნალისტი გიორგი ფოფხაძე პარიზში მომხდარი ტერორისტული აქტების შესახებ სოციალურ ქსელში მორიგ პოსტს აქვეყნებს:
„მოკლედ, მეგობრებო, ჯერჯერობით ყველაფერი დამთავრდა პარიზში. თუ ამას დამთავრება ჰქვია, უდანაშაულო ადამიანების ტრაგიკული სიცოცხლე შეეწირა ვიღაც ფანატიკოსი არაადამიანების გამორეცხილ ტვინებში მომწიფებულ ტერორისტულ აქტს... პარიზში მოხდა ტრაგედია, რომელიც ალბათ ძლიან ბევრ რამეს შეცვლის არა მარტო საფრანგეთში, არამედ მთელ მსოფლიოში. მე არ შევეცდები რაიმე ანალიზის და შეფასებების გაკეთებას, რადგან ჯერ ერთი, ცხელ ტვინზე შეფასებები არ კეთდება და მეორე, შეფასებებს ხვალ და ზეგ, უკვე ჩემზე გამოცდილი და კომპეტენტური ადამიანები გააკეთებენ, თუ რა მოხდა, როგორ მოხდა და რანაირად მოუვიდა საფრანგეთის „ნაქებ" კონტრდაზვერვას კიდევ ერთი „ჩაფლავება". მე პირველ რიგში სამძიმარს ვუცხადებ საფრანგეთს და ფრანგ ხალხს", - წერს ფოფხაძე.
