ფრანგული გამოცემა „Le Monde"-ს ჟურნალისტმა დანიელ ფსენიმ პარიზში განხორციელებული ტერაქტის ამსახველი ვიდეოკადრები გაავრცელა.

„BBC"-ის ცნობით, ჟურნალისტმა ვიდეომასალა საკუთარი ბინიდან გადაიღო, რომელიც თეატრ „ბატაკლანის" მოპირდაპირე მხარეს მდებარეობს. ვიდეოკადრებში სროლის ხმა და ადამიანების ყვირილი ისმის. კადრებში დაჭრილი ადამიანები ჩანან.

საფრანგეთში გუშინ ექვს სხვადასხვა ადგილზე მომხდარი ტერაქტის შედეგად 155 ადამიანი დაიღუპა და 200-ზე მეტი დაშავდა. შეიარაღებულმა პირებმა თავდასხმა განახორციელეს რესტორნებზე, საკონცერტო დარბაზებსა და ფეხბურთის სტადიონთან ახლოს.