ვაკე-საბურთალოს პოლიციის განყოფილების ყოფილ უფროსს ლაშა კვირკვაიას სასამართლომ წინასწარი პატიმრობა 2 თვის ვადით მიუსაჯა. კვირიკვიას სასამართლო პროცესი რესპუბლიკურ საავადმყოფოში რამდენიმე წუთის წინ დასრულდა.
მოსამართლემ არ დააკმაყოფილა კვირკვიას ადვოკატის შუამდგომლობა, რომელიც დაცვის ქვეშ მყოფისთვის პატიმრობის შეფარდებაზე უარს აცხადებდა ან მის გათავისუფლებას 7 ათას ლარიანი გირაოს სანაცვლოდ ითხოვდა.
პროცესს დაზარალებული ადვოკატი გიორგი მდინარაძე, ადვოკატთა ასოციაციის ხელმძღვანელი ზაზა ხატიაშვილი და სხვა პირები ესწრებოდნენ.
პროცესი 1 საათის დაგვიანებით დაიწყო და ის კვირკვაიას ჯანმრთელობის მდგომარეობის გამო რესპუბლიკურ საავადმყოფოში მიმდინარეობდა.
შეგახსენებთ, რომ კვირკვაია საავადმყოფოში შიმშილობის შედეგად ჯანმრთელობის გაუარესების გამო გადაიყვანეს.
