მოიაზრება თუ არა ტერორისტების სამიზნედ საქართველო - ამ საკითხზე „პრაიმტაიმს" ტერორიზმისა და პოლიტიკური ძალადობის კვლევის ცენტრის ხელმძღვანელი ბადრი ნაჭყებია ესაუბრა. მისი თქმით, ტერორისტულ ორგანიზაციებს დიდი ქვეყნები აინტერესებთ და ნაკლებად დახარჯავენ რესურსებს პატარა სახელმწიფოებისთვის.
„თუმცა, გამონაკლისი მოხდა 2004 წელს, როცა ტერაქტი ესპანეთში მოაწყვეს. ის კი იყო ანტიტერორისტული კოალიციის წევრი, მაგრამ ევროპელ ლიდერებში არ განიხილებოდა. მიუხედავად ამისა, თავდასხმა ესპანეთზე მაინც განხორციელდა. ძნელია რამის პროგნოზირება. შეიძლება, ტერაქტი მოხდეს არაცენტრალიზებულად, ანუ ადგილობრივმა ჯგუფებმა განახორციელონ. საქართველო ანტიტერორისტული კოალიციის წევრია. საქართველოშიც მოხდა რამდენიმე ტერორისტული აქტი. აფხაზეთში, საერთოდაც, საერთაშორისო ტერორისტი შამილ ბასაევი იყო. ასევე, სოსლანბეკოვი. არ გამოვრიცხავ, რომ გარკვეულმა ტერორისტულმა ჯგუფებმა ახლაც ჩაიდინონ რაღაც. საქართველოს ძალოვანი უწყებები და საზოგადოება ამისთვის მზად უნდა იყვნენ", - აცხადებს ბადრი ნაჭყებია.
წყარო: გაზეთი „პრაიმტაიმი"
(მოამზადა ალა გრიგალაშვილმა)
