„აღშფოთებული ვარ ფრანგული სპეცსამსახურების კოლაფსით", - ამის შესახებ ტერორიზმისა და პოლიტიკური ძალადობის კვლევის ცენტრის ხელმძღვანელი ბადრი ნაჭყებია აცხადებს. მისი თქმით, პარიზის ტერაქტებით გამოჩნდა, რომ „ისლამურ სახელმწიფოს" ძალიან ინტელექტუალური და ძლიერი გუნდი ჰყავს.

„ვგულისხმობ იმათ, ვინც ამ ტერორისტულ აქტებს გეგმავს. ისეთი შთაბეჭდილება მრჩება, თითქოს აქ მოხდა რამდენიმე ძველი ტერაქტის ანალიზი და ამ ანალიზის მიხედვით დაიგეგმა პარიზის ეს ტერაქტი. კონკრეტულად ვგულისხმობ 2002 წელს რუსეთში მომხდარ ტერაქტს და 2008 წელს ინდოეთში განხორციელებულ ტერაქტს. ამ ორ ტერაქტზე კონსოლიდირებული ანალიზით მათ მოახერხეს საფრანგეთის დედაქალაქის სრული დესტაბილიზაცია", - განაცხადა ნაჭყებიამ.

წყარო: გაზეთი „პრაიმტაიმი"

(მოამზადა ალა გრიგალაშვილმა)