პაატა ბურჭულაძის პოლიტიკაში მოსვლის გადაწყვეტილებას უარყოფითად აფასებს პოლიტიკურ მეცნიერებათა სპეციალისტი ლევან ლორთქიფანიძე. როგორც მან „კვირის ქრონიკას" განუცხადა, „საქართველოს განვითარების ფონდის" ირგვლივ შეკრებილი ადამიანები კი უარყოფენ პოლიტიკაში მოსვლას, მაგრამ რეალურად, კონკრეტული პოლიტიკური მიზნებით მოდიან.
„ეს ფონდი პოლიტიკურ პარტიად გარდაიქმნება. ამიტომ ძალიან სამწუხაროა ის სიყალბე, რომელიც ამდენი ხანია გვესმის. ბატონი პაატა და მის ირგვლივ მყოფები აცხადებენ, არა, როგორ გეკადრებათ, პოლიტიკაში მოსვლას არ ვაპირებთ, დემოკრატია უნდა განვავითაროთო. ეს არის სიყალბე, რადგან ისინი კონკრეტული პოლიტიკური მიზნებით მოდიან. მოვუწოდებ ბატონ პაატას, ნუ დაანგრევს თავის გენიალურ ავტორიტეტს, რომელიც მას საზოგადოებაში აქვს. ვურჩევდი, გააგრძელოს ქველმოქმედება, არ არის საჭირო, მოვიდეს პოლიტიკაში. ის ვერ მოახერხებს გრანდიოზული მიზნების მიღწევას პოლიტიკურ ასპარეზზე და იმედებს გაუცრუებს ადამიანებს, რომლებიც მისი განვლილი გზით ამ ეტაპზე აღფრთოვანებულები არიან", - განაცხადა ლორთქიფანიძემ.
წყარო: გაზეთი „კვირის ქრონიკა"
(მოამზადა ალა გრიგალაშვილმა)
