რუსეთის უშიშროების ფედერალურმა სამსახურმა და ქვეყნის სამართალდამცავმა ორგანოებმა ეგვიპტეში რუსული ავიალაინერის კატასტროფასთან კავშირში მყოფი პირების მოსაძებნად, ზომების მიღება დაიწყეს.

რუსეთის უშიშროების ფედერალურმა სამსახურის ალექსანდრ ბორტნიკოვის განცხადებით, თვითმფრინავის ბორტზე თვითნაკეთი ასაფეთქებელი მოწყობილობა აფეთქდა.

„ჩვენი სპეციალისტების შეფასებით, საჰაერო ხომალდის ბორტზე ამოქმედდა ერთი კილოგრამი ტროტილის ეკვივალენტის სიმძლავრის თვითნაკეთი ასაფეთქებელი მოწყობილობა, რის შედეგადაც თვითმფრინავი ჰაერში დაიშალა. სწორედ ამის გამო, თვითმფრინავის ფუზელაჟის ნაწილები დიდ მანძილზე გაიფანტა", - განაცხადა ბორტნიკოვმა.

მისი თქმით, რუსული თვითმფრინავის კატასტროფა ტერორისტული აქტი იყო.