„პარიზში მომხდარი ტრაგედია ძალიან ბევრ რამეს შეცვლის არამარტო საფრანგეთში, არამედ მსოფლიოში", - ამის შესახებ საფრანგეთში მცხოვრები ჟურნალისტი გიორგი ფოფხაძე აცხადებს. „კვირის ქრონიკასთან" ინტერვიუში ჟურნალისტი ამბობს, რომ საფრანგეთი „ღია კარის პოლიტიკამ" ძალიან დააზარალა.

„უცხოეთიდან შემოსული ახალგაზრდები არ იღებდნენ განათლებას, არ სწავლობდნენ ფრანგულ ენას, მათ ჰქონდათ თავიანთი გეტოები და ამ ყველაფერმა ცუდი შედგი გამოიღო", - აღნიშნა ჟურნალისტმა.

მისივე თქმით, ევროპაში მსგავსი შემზარავი ტერაქტი აქამდე არ მომხდარა.

„ტერორისტები 18-დან 22 წლამდე ახალგაზრდები იყვნენ, ისინი უაქცენტოდ, სუფთა ფრანგულით საუბრობდნენ. ეს არის იმის დამადასტურებელი, რომ ისინი საფრანგეთში გაიზარდნენ. შეუძლებელია, უაქცენტოდ საუბრობდე ფრანგულ ენაზე, თუ აქ დაბადებული არ ხარ. ამიტომ ძალიან ადვილია გამოიცნო, რომ ტერორისტებს შორის ფრანგებიც იყვნენ", - განაცხადა ჟურნალისტმა.

წყარო: გაზეთი „კვირის ქრონიკა"

(მოამზადა ალა გრიგალაშვილმა)