ტერორიზმის კვლევის ცენტრის დირექტორის ბადრი ნაჭყებიას განცხადებით, პარიზის ტერაქტების სერიამ მთელ მსოფლიოს აჩვენა, რომ „ისლამური სახელმწიფოს" წინააღმდეგ რადიკალური ზომებია მისაღები. „თუ სახმელეთო ოპერაცია არ დაიწყეს, ეს იქნება ტერორისტების წახალისება და მათი აგრესია მთელ ევროპას წალეკავს", - განაცხადა ნაჭყებიამ „კვირის პალიტრასთან" ინტერვიუში.

მისი თქმით, გამომდინარე იქიდან, რომ ტერორისტები თავს დაესხნენ ევროკავშირის უდიდეს ქვეყანას, პასუხიც უნდა იყოს ადეკვატური, ისეთი, როგორიც აშშ-ში 11 სექტემბრის ტერაქტს მოჰყვა.

„ვფიქრობ, უნდა ამოქმედდეს NATO-ს მე-5 პუნქტი, რომლის მთავარი პრინციპია: „ერთი ყველასთვის, ყველა ერთისთვის". NATO-მ აუცილებლად უნდა გასცეს პასუხი ამ ტერაქტებსაც. თავდაპირველად კი უნდა მოხდეს იმ ასობით ათასი მიგრანტის ფილტრაცია, რომლებიც უკვე შევიდნენ და ახლაც შედიან ევროპაში", - განაცხადა ნაჭყებიამ.

წყარო: გაზეთი „კვირის პალიტრა"

(მოამზადა ალა გრიგალაშვილმა)