ორგანიზაცია „ძლიერი ქალი ძლიერი სახელმწიფოს" დამფუძნებლის ლალი მოროშკინას განცხადებით ოდესის ოლქის გუბერნატორის, მიხეილ სააკაშვილისგან საქართველოს დიდი საფრთხე ელოდება და ეს საფრთხე შესაძლოა პარიზში მომხდარი ტერაქტების ფონზე, როდესაც მსოფლიოში დაძაბულობაა, გაიზარდოს.
როგორც მოროშკინამ გაზეთ „ასავალ-დასავალთან" განაცხადა, მიხეილ სააკაშვილი საქართველოში უკვე დიდი ხანია სისხლისღვრის მოწყობას გეგმავს და არსებულ მდგომარეობაში ეს საფრთხე კიდევ უფრო გაიზარდა.
„საქართველოს ყველაზე დიდი მტერი და უბოროტესი არსება - სააკაშვილი, რომელიც ახლა უკრაინაშია, სწორედ იმ მომენტს ელოდება, როცა, მსოფლიო არეულობის ფონზე, პატარა საქართველო ყველას მიავიწყდება და ოდესის გუბერნატორს საშუალება მიეცემა, თბილისში თავისი პროვოკაციული ჩანაფიქრები განახორციელოს!
დიახ, სააკაშვილი საქართველოში ტერაქტებსა და სისხლისღვრას მოაწყობს, ჩვენთვის კი რთული გასარჩევი იქნება, ეს ისლამურმა სახელმწიფომ გააკეთა თუ იმ განსაკუთრებით საშიშმა კრიმინალებმა, რომლებსაც 30-40-წლიანი პატიმრობა ჰქონდათ მისჯილი, მაგრამ სააკაშვილმა ამნისტიით გაათავისუფლა!"- განაცხადა მოროშკინამ.
