„ფართომასშტაბიანი საერთაშორისო კოალიცია რუსეთისა და აშშ-ის მონაწილეობით, მოახერხებს, რომ „ისლამურ სახელმწიფოს" გადამწყვეტი დარტყმა მიაყენოს", - რუსული მედიის ინფორმაციით, ეს განცხადება საფრანგეთის პრეზიდენტმა ფრანსუა ოლანდმა საფრანგეთის ქალაქების მერების კონგრესზე გააკეთა.

ოლანდის თქმით, ის მომავალ სამშაბათს ვაშინგტონში, ხოლო ხუთშაბათს მოსკოვში გაემგზავრება, რათა ორი ქვეყნის ლიდერთან „ისლამური სახელმწიფოს" წინააღმდეგ კოორდინირებული ქმედებები განიხილოს.

„ჩვენ უნდა ჩამოვაყალიბოთ ფართომასშტაბიანი კოალიცია, რომელიც შეძლებს, გადამწყვეტი დარტყმები განახორციელოს", - განაცხადა ოლანდმა.