გამოცემა „The Wall Street Journal" წერს, იმისდა მიუხედავად, რომ პარიზის ტერაქტების შემდეგ მოსკოვი დასავლეთთან ურთიერთობის დალაგებას ცდილობს, ევროკავშირი და აშშ რუსეთის წინააღმდეგ სანქციებს მაინც გაახანგრძლივებენ. გამოცემის ინფორმაციით, განიხილება რამდენიმე ვარიანტი, მათ შორის სანქციების 3-4 თვით, 6 თვით ან 1 წლით გახანგრძლივება.

„The Wall Street Journal" წერს, რომ აღნიშნულ საკითხზე დეკემბერში, ევროკავშირის სამიტზე ისაუბრებენ. ბრიუსელი და ვაშინგტონი თანხმდებიან, რომ რუსეთზე ეკონომიკური ზეწოლა მინსკის შეთანხმებების შესრულებამდე უნდა გაგრძელდეს.